10. apríl 2024
Í kjarasamningi milli SSÍ og SFS sem undirritaður var þann 6. febrúar síðastliðinn er ákvæði um að kauptrygging og aðrir kaupliðir hækki til samræmis við kauphækkanir sem samið er um á almenna vinnumarkaðnum frá gildistöku samningsins.
Samkvæmt framangreindu ákvæði hækkar kauptrygging og kaupliðir í kjarasamningi Sjómannasambands Íslands frá og með 1. febrúar 2024 vegna kjarasamnings milli SGS og SA sem undirritaður var 7. mars síðastliðinn.
Kauptrygging sjómanna hækkar frá 1. febrúar 2024 um 25.269 kr./mán og aðrir kaupliðir hækka frá sama tíma um 3,25%.
Kaupskrá sem gildir frá 1. febrúar 2024 má nálgast hér.
16. febrúar 2024
Atkvæðagreiðslu um kjarasamninginn milli Sjómannasambands Íslands og Samtaka fyrirtækja í sjávarútvegi sem undirritaður var þann 6. febrúar síðastliðinn lauk kl. 15:00 í dag.
Á kjörskrá voru 1104 og greiddu 592 atkvæði um samninginn eða 53,62%
Niðurstaða atkvæðagreiðslunnar er þessi:
Af þeim sem kusu sögðu 367 já eða 61,99%, 217 sögðu nei eða 36,66% og auðir og ógildir seðlar voru 8 eða 1,35%.
Af þeim sem tóku afstöðu sögðu 62,84% já og 37,16% sögðu nei.
Samningurinn var því samþykktur.
6. febrúar 2024
Í dag var undirritaður nýr kjarasamningur milli SSÍ og SFS. Eins og fram kemur í fréttatilkynningu hér að framan er samningurinn byggður á samningnum sem felldur var í fyrra en í þessum samningi er tekið tillit til helstu atriða sem voru gagnrýnd í þeim samningi.
Kynningu á helstu atriðum samningsins og þeim breytingum sem gerðar voru má sjá sjá hér.
Samninginn í heild sinni má nálgast hér.
Atkvæðagreiðsla um samninginn verður rafræn og hefst á hádegi þann 12. febrúar. Atkvæðagreiðslunni lýkur kl. 15:00 þann 16. febrúar. Athugið að hver einstaklingur getur aðeins kosið einu sinni og því ekki hægt að breyta atkvæðinu eftir að búið er að kjósa. Því er mikilvægt að sjómenn kynni sér samninginn vel áður en þeir kjósa.
Fréttasafn